Niclas Néczenger burger zu Wienn hat versaczt sein haws gelegen am Kienmarkcht zenagst des Gewkramer haws, davon man jerlich dint hern Sigmunden Varindietaschen caplan der messe, die her Walthesar Lewsinger auf Sand Fabians und Sand Sebastians altar dacz Sand Steffan zu Wienn zustifften geschafft hat, newen phund phenning zu purkrecht, die abczulosen sind mit anderthalbhundert pfund phenningen nach lautt ains purkrechtbriefs und nicht mer. Der erbern frawn Kathrein, Ruprechts Refer des Kiefern seligen tochter, seiner hausfrawen und irn erben umb anderthalbhundert pfund pfenning landeswerung und sind zubeczalen wan si oder ir erben die vordernt und nicht lenger peten wellent darnach an alles vercziehen. Actum an Montag vor Thome appostoli anno etc. liiio.

Summa nulla propter servicium priorem.