Eintrag vom 1455-07-18Informationen zum Dokument

Niclas Ponhalm und Helen sein hausfrau habent versaczt die ubertewrung irs hauss gelegen mit dem vordern tail Undern Satlern und mit dem hindern tail in dem Kamerhof zenagst Andren Hofmaister des kursner haws uber die zwaihundert zwayunddreissig pfunt die Cristan Wissinger vormalen darauf verschriben sein, und uber die dreyundczwainczig guldein gelts purkrechts, die sy Hannsen Winkler nachmalen darauf verpfentt haben und abczulosen sind mit zwainhundert und virczehen guldein nach lautt der brief daruber gegeben und uber die zehen pfunt gelts purkrechts, die sy hern Jorgen Schrot, obristen caplan Sand Peters cappellen darnach darauff verphentt haben und abczulósen sind mit hundert pfund pfeningen nach lautt ains purkrechtbriefs darumb gegeben und uber die virhundert pfunt pfenning, die Hannsen Malichinger und Barbaren seiner hausfraun auch nachmalen darauf verphendt sind. Dem erbern weisen Niclasen Téschler dieczeit des rats der stat zu Wienn und seinen erben, umb virhundert pfund pfenning landeswerung in Österreich, und sind zubeczalen auf Unser Frawn tag zu Liechtmesse nagstkunfftigen an alles vercziehen. Actum an Freitag vor Marie Magdalene, anno domini etc. lvto.

Summa iii tl. lxxx d.