Niclas Nachtigal hat verkaufft syben Ungrisch guldein in gold jerlicher gult auf seinem hawss gelegen am Kyenmarkt zenagst Micheln Prantsteter des karmer haws an aim tail umb hundert Ungrisch guldein in gold. Der erwirdigen facultet der juristen zu Wienn und allen irn nachkomen, in der maynung, das er und all sein erben nu furbaser in und irn nachkomen die egenanten syben guldein alle jar ausrichten und geben sullen zu den zwain tegen im jar, zu sand Jorgen tag und zu Weichnachten virdhalben Ungrisch guldein und sullen mit der ersten gult zu raichen anheben zu sand Jorgen tag nagstkunftigen anvercziehen. Es ist auch dieselb gult wider abzekauffen zu ainer yeden zeit im jar wann sy wellen mit hundert Ungrischen guldein in gold und dem nagst voligunden dinst damit ut littera. Actum an sand Dorothea tag, anno etc. lxviiiino.

Summa l d. propter servicium priorem.

Nota die siben Ungrisch guldein sein gemessigt und abgepethen worden auff fúnff Ungrisch guldein nach meinung aines verschuldt brieff , von herrn Niclessen und der facultet der juristen ausgangen. Bey dem grundtpuech, die in dem 1521 jar endigt, hat dise z. 71 Leonhart Gaczinger Kazinger ob lib no. E. fol. 390.