Eintrag vom 1472-07-15Informationen zum Dokument

Hanns Kyembseer slosser und Ursula sein hausfraw ains, Niclas Greiff schuster und Helen sein hausfrau des anndern tails habent verkaufft zehen schilling phening gelts purkrechts auf irm hawss gelegen in der Kernerstrass zenagst dem haws genant zu der Rotentúr, umb zehen phunt Wienner phening. Dem erbern priester hern Pertlme pharrer zu Sand Johanns in der Siechenalss vor Schottentor und seinen nachkomen pharern daselbs. Und sind zu dienn zu drein tägen und wider abzekauffen miteinander mit zehenn phunt Wienner phenigen und dem nagsten dinst damit doch unvergriffen den funfczig Ungrisch guldein, so der erwirdigen vacultet der juristen hie vor darauf verschriben sein ut littera sonat. Actum an Mitichen vor sand Maria Magdalen tag anno etc. lxxiido.

Summa xx d.