Oswalt Sweigker, burger zu Wienn, hat versaczt die úbertewrung seins hauss, gelegen in der Munsserstrass zenagst Hannsen des Haringseer seins swehers haus an aim tail, úber die zwaihundert und virczig phunt pfening, die zu Kasparn des Slinger mess, so er dacz Sant Maria Magdalen vor Schottentor zu Wienn zestifften geschafft hat, vormalen nach laut ains briefs darauf verschriben sind. Dem erbern briester hern Hannsen dem Héndl, dieczeit kaplan der ewigen mess, die weylent Niclas der Korner auf Sand Jacobs altar dacz Sand Steffan zu Wienn ze stifften geschaft hat, und seinn nachkómen kaplén, umb hundert und zwayundfúnfczig phunt phening. In der maynung alle die weil und sy dieselben summ phening innhaben, so súllent sy aim yeden kapplan jérlich davon raihen und geben zehen phund phening zu den drein tégen im jar, zu sand Michels tag, zu Weinachten und zu sand Jórgen tag, zu yedem tag drew phund und achczig phening, ut littera sonat. Actum an Freytag nach Unser Frawn tag Nativitatis, anno etc. xliiiito.

Summa x s. iiii d.