Eintrag vom 1439-01-14Informationen zum Dokument

Peter Weydelhaymer, der zimerman, gesessen am Graben zu Wien, hat auf seinem haus, gelegen dasselbs am Graben zenagst Hansen Triestrer des stainmeczen haus, vermacht und verschriben seiner hausfrawen Elsbeten virczig pfunt pfening. Also das sy die bey seinen lebtégen und nach seinem tod auf dem benanten seinem haws sol lediklichen und freilichen haben und allen iren frumen damit schaffen. Wér aber das si mit tod abging ee denn er und die benanten xl tl. unverschafft unvermacht und unverkumert hinder ir liess, so sind im dann dieselben xl tl. genczlich wider ledig worden, ut littera sonat. Actum an Mitichen vor sand Anthonien tag, anno etc. xxxviiii.

Summa lxxx d.

Nota die xl tl. d. hat¹ frau Elspeth irm steufsun Hansen Weidlhaimer und ir leibgeding an dem haus ledicklichen ubergeben nach lautt ains brief der pei dem puch ligt. Actum an Montag vor Laurenti, anno etc. lio.

Nota das hat hat die egenant Elsbet mit iren man versaczt per purkrecht, folio 301.