Peter Zechmaister, der fleischhakcher, hat gemacht und geben seiner hausfraun Annen sibenczig pfunt pfening auf seim haus, hinder Sand Larenczen kloster gelegen zenagst Steffans Kren des Rostauscher haus. Also das die benant Anna, sein hausfrau, sol und mag nu und hinfur die benanten sibenczig pfund phening auf dem egnanten haus lediclich und freilich haben und allen irn frumen damit schaffen wie sey des verlust. Wér aber das sy mit tod abging und die egnanten sibenczig pfund phening unverschafft, unvermacht und unvergeben hinder ir liess, so sullen sy dann erben und gevallen auf ir nagst erben der sy dann von dem egnanten haus bekomen sullen und mugen als solhs surphants und der statrecht ist ungeverlich, ut littera sonat. Actum an Freitag ante Gregori, anno etc. xlvito.

Summa ½ tl. xx d.