Peter Rauscher hat verkaufft vir phund und virczig phenning gelts purkrechts auf seim haus und aller seiner zugehörung, das von Hansen drum in kaufweis an in komen ist, gelegen an der Vischerstieg zenagst Hansen Wiltsfeur des kursner haus, davon man jerlich dint hern Hannsen von der Newnstat kaplan Sant Jacobs altar in Sant Jacobs closter zu Wienn drew phunt phenning zu purkrecht und nicht mer, umb drewunddreissig phund und achczig phenning den erbern weisen Ulreichen Meczleinstorffer und Micheln Rutenstock maler dieczeit verweser des hauss der bekerten fraun zu Sant Jeronimus und irn nachkomen, davon sy alle jar begen sullen ain jartag mit gesungen vigilii und selambt als desselben haus gewonhait ist, und sind zu diennen zu drein tégen und wider abczukauffen miteinander und den nagsten dinst damit ut littera. Actum an Freitag nach dem heiligen Phingstag, anno domini etc. lmo.

Summa lxii d.

Summa nulla propter priorem.