Eintrag vom 1453-02-28Informationen zum Dokument

Peter Rauscher hat versaczt sein haws gelegen an der Vischerstieg zenagst Hannsen des Wiltfewr des kúrsner haws mitsambt dem gefírten gemaurten stokch mit drein máwren von grunt auf und die kamer darinn mitsambt dem gewelbten secrét da man in derselben kamer aufget und den keller under derselben kamer und das dachwerch ob dem benanten gemawrten stokch der weilent Wolfgangs des Scheren gewesen ist, auch an der Vischerstieg zenagst dem egenanten haws gelegen und stosset an Micheln des Pawmgartner haws am Salczgriess das auch des benanten Schern ist gewesen, davon man jérlich dint hern Hannsen von der Newnstat kaplan Sand Jacobs altar in Sand Jacobs kloster zu Wienn drew phunt phenning und hincz sand Jeronimus daselbs vir phunt und virczig phenning alles zu purkrecht und nicht mer. Dem edeln Conraten Holczler húbmaister in Österreich frawn Kathrein der Holczlerin seiner muter Hannsen Ponhaimer und Jörgen Talhaimer und írn erben umb hundert und sechs und sechtzigk phunt phenning lanndeswerung. Und sind zubeczaln halb ynner den nagsten vírczehen tagen nach dem heiligen Phingstag nagstkúnftigen und halb auf sand Merten tag darnach nagstkúnftigen an vercziehen. Actum an Mittichen vor Oculi in der vasten, anno domini etc. liiido.

Summa xi s. d.

Habet cedulam.

Die geltschuld habent ledig gesagt Jorg Talhaimer, Hanns Ponhaimer und Hanns Öttinger anstat des Holczler und seiner muter. Actum an Freitag Nativitatis lvito.