Eintrag vom 1456-09-10Informationen zum Dokument

Peter Rauscher hat versaczt sein haws gelegen an der Vischerstieg zenagst Hannsen Wiltfeur des kursner haws mitsambt dem gefirten gemaurten stokch mit drein méwrn von grunt auf und die kamer darinn mitsambt dem gewelbten secret, daman in derselben kamer ausget und den keller under derselben kamer und das dachwerch ob dem benanten gemaurten stokch der weilent Wolfgangs des Schern gewesen ist, auch an der Vischerstieg zenagst dem egnant haus gelegen und stosst an Micheln des Pawngartner haus am Salczgriess, das auch des benant Schern ist gewesen. Davon man jerlich dint hern Hannsen von der Newnstat caplan Sant Jacobs altar in Sant Jacobs closter zu Wienn drew pfund pfenning und zu Sand Jeroni[m]us daselbs vir pfunt und virczig pfenning alles zu purkrecht und nicht mer. Dem edeln vesten ritter hern Hannsen Dáchsenpekchen und seinen erben umb hundert pfunt pfenning der swarczen múnss und sind zubeczalen auf des Heiligen Kreuczs tag als es erhöcht ist im virczehenhundert und sibenundfunfczigisten jar nagstkúnftigen an alles vercziehen. Actum an Freitag nach Unser Fraun tag Nativitatis, anno domini etc. lvito.

Summa vi s. xx d.

Habet cedulam.

Den sacz hat der Déchsenpek ledig gesagt per servum suum Erhart feria secunda post Juliana lxo.