Eintrag vom 1456-09-27
Peter von Lincz, der gewentler hat versaczt sein haus, gelegen hinder sant Pangreczen zenagst Jacoben des Prennberger haus, davon man jerlich dint sant Pangreczen cappelln newn pfening zu purkrecht und hern Hannsen, pfarrer zu Potendorf, dieczeit caplan der mess die Hanns Reicher auf dem Karnner dacz Sand Steffan gestifft hat, sibenczehen schilling pfening auch zu purkrecht und nicht mer. Dem erbern Ulreichen Meilinger dem schuster hie zu Wienn und seinen erben, umb zwaiundachczig pfund pfening der swarczen münss und sind zu beczaln von dem nagstkunftigen sand Michels tag uber ain ganczs jar an alles vercziehen. Actum an Montag vor sant Michels tag, anno domini etc. lvito.
Summa v s. xiiii d.
Zitierhinweis
Eintrag vom 1456-09-27, Nr. 01590, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e01590_1456-09-27.html