Pertlme Zilbacher, messrer, hat versaczt sein haws, gelegen hinder Sand Pangreczen zwischen Vicenczen Leben und Steffans Weikerstorffer der messrer heuser, davon man jerlich dint Sand Pangreczen cappellen sechs schilling pfening an sand Michels tag zu purkrecht und nicht mer.

Pertlme Zilbacher, messrer, hat verkaufft virdhalb pfunt pfening gelts purkrechts auf seim haws, gelegen hinder Sand Pangreczen zwischen Leben und Steffans Weikerstorffer der messrer hewser, davon man jerlich dint Sand Pangreczen cappellen sechs schilling pfening an sant Michels tag zu purkrecht und nicht mer. Umb achtundzwainczig pfunt pfening der zwainczig pfunt zu Sand Blasien altar in des Herczogen cappellen zu Sand Steffan und acht pfund zu der mess, die frau Anna von Ibs auf der Zwelfpoten altar in derselben kirchen gestifft hat gehornt. Dem erbern hern Meinharten Lochner dieczeit caplan der benanten zwaier messe und seinen nachkomen und ist dasselb purkrecht zu dienn zu drein tegen und wider abczukauffen miteinander und den nagsten dinst damit, ut littera. Actum an Montag vor sand Veits tag, anno domini etc. lviio.

Summa lvi d.