Eintrag vom 1458-09-20Informationen zum Dokument

Peter Ebinger, tuchscherer, hat verkaufft newnthalb phunt phening gelts purkrechts auf seinem haus, gelegen in der Wildwercherstrass zenagst Hannsen Österricher seines steufsuns haws an aim tail und an dem andern zenagst Hannsen Ravenspurger hawss. Umb lxxxiiii tl. d., dem ersamen maister Petern Gewss caplan der mess die her Peter Prawen von Ravenspach in der Burgerspital vor Kernertor zu Wienn zustifften geschafft hat, und seinen nachkomen caplein derselben mess und sind zu dienn zu drein tegen und wider abczulösen miteinander und den nagsten dinst damit, ut littera sonat. Actum an sand Mathens abent apostoli et evangeliste, anno etc. lviiio.

Summa v s. xviii d.

Nota das obgenante ist von pawfelligkeit wegen verkaufft worden umb lxxxiiii tl d. xiiii zu der statsteur rund ansleg geben und die lxx tl. d. sind der messe darauf widerumb angelegt nach lautt der gericht die zum puch erlegt sein.