Eintrag vom 1459-07-23Informationen zum Dokument

Peter von Lincz, der gwentler, hat versaczt dei ubertewrung seins hawss, gelegen hinder Sand Pangrètzen zenagst Jacoben Prennberger haws, davon man jerlich dint Sand Pangertzen cappellen newn schilling zu purkrecht und hern Hannsen, pfarrer zu Ptendorff, dieczeit caplan der mess die Hanns Reicher auf dem karner dacz Sand Stephan zu Wienn gestifft hat, xvii s. d. auch zu purkrecht und nicht mer, und uber die zwayundachtzig phunt phening, die Hannsen Praitter darnach darauf verphent sind. Dem erbern Valtein Liebphart purger zu Wienn, und seinen erben, umb zwannzig phunt phening landeswerung in Osterreich und sind zubeczalen von dem nagstkunfitgen sand Michels tag uber ain gancz jar anvercziehen. Actum an Montag vor sand Jacoben tag im snit, anno domini etc. lviiiio.

Summa xl d.