Paul Strendl, mitburger ze Wienn, hat versaczt sein hauss, gelegen vor Werdertor gegen dem melberhof über zenagst ettwenn Jörgen von Ernsprunn hauss an aim tail. Lasslawn, seinem und Kathrein, seiner hausfrau seligen, ir baider sun, umb hundert Ungrisch gulden, die im die obgemelt Kathrey sein hausfrau muter selige geschaft hat doch also und sind zübeczalen wann der benant Lasslaw vogtper wirdet. Ging er aber ungevogt ab, so sullen dieselben hundert gulden gevallen und beleiben seinem obgenanten vater petern nach lautt seiner egenanten muter seligen geschèfts das im statpuch geschriben stet ungeverlich. Actum an Freytag vor sand Bartholomees tag, anno domini etc. lxvito.

Summa i tl. d.

Nota die obgenanten c gulden sind dem Lasslawen verschriben auf seins vater haws vor Stubentor und sein zwain klewbhefen in der Schefstrass gelegen, ut littera. Actum feria ..., post Judica anno etc. lxviiii.