Pangretz Steghaimer und Margreth, sein hausfraw, habent versaczt ir haws, gelegen in der Kernerstrass das ettwenn des Semlroschen gewesen ist. Den erbern weisen Jacoben Gsmèchl und Cristan Gschöf, dietzeit unsers allergnedigsten herren des romischen Kaiser ambtman in der Schefstrass, burger zu Wienn, zu hannden junkfrawen Helen, Micheln Grunawer des verber seligen und der obgenanten Margrethen tochter der gerhaben sy sein, umb funfhundert phunt guter Wienner phening, die der vorgenanten Margreten auf des ongenantn Grunawer haws vor Stubentor gelegen verschriben gewesen sind und sullen der egenanten junkfrawn Helen ob sy die vorgenant ir muter uberlebt darnach annertziehen betzalt werden. Wer aber das sy vor derselben ir muter gevallen, ut littera sonat. Actum an Freitag vor sand Michels tag, anno domini etc. lxxmo.

Summa iiii tl. xl d.

Nota daz haws ist der obgenanten Helen gesprochen und und stet des nucz und gwer utz libro Novo E folio 94.

Pangretz Steghaimer und Margreth, sein hausfraw, habent versaczt die ubertewrung irs haws, gelegen in der Kernerstrass zenagst hern Merten Wisenter haws, uber die funf hundert phunt Wienner phening so junkfrawn Helen der bemelten Margrten tochter vormaln darauf verschriben sein, den ersamen fursichtigen und weisen burgermaister und rat zu Wienn umb newntzig Ungrisch guldein gerecht in gold und wag

Erratum est.