Eintrag vom 1471-06-28Informationen zum Dokument

Peter During, der goltsmid, hat versaczt sein hawss, gelegen in der Preydenstrass zenagst Hainreichs Freymanner hawss an ainen tail und an dem andern zenagst · des von Ellerbach hawss. Den erbern Niclasen Kolerer und Stephan Zechmaner, diezeit zechmaister der maister der goltsmid gemainelich, mitburger zu Wienn, zu hannden der yetzgenanten zech und irn nachkomen zechmaistern, umb sechtzigkh phunt phening von wegen des abpaw ains weingarten gelegen an der wèring der derselb During und Barbaren sein hausfraw seligen von der egenanten zech ir lebtegen inbestandweise solten ingehabt haben und sind zu betzalen von sand Michels tag uber zway jar nagstenacheinander kunfftigen an alles verziehen. Wer aber das der weingarten in der yetzgenanten zeit verkaufftt wurd, so sol das gelt so mit kauff daraus bekumbt dem egenanten Petern During an der egenanten suma sechtzigkh phunt phening abgeen ungewerlich. Actum an Freitag sand Peter und sand Pauls abent apostolorum Anno etc. lxximo.

Summa ½ tl. d.

Die vorgenanten zechmaister habent cedulam.

Nota die obgenanten zechmaister habent den satz ledig gesagt, anno etc. lxxii, an Mitichen nach sand Erharts tag.