Stephan Purkchel, der peutler, und Kathrey, sein hausfraw, habent versaczt die ubertewrung irs hawss, gelegen im Perkhof zenagst dem Kursenhaws, uber die lxx tl. d., die Hans Helber und Cristein sein hausfraw vor darauf habent, und uber die dritthalb pfunt pfening gelts purkrechts, die her Sigmund Schelhel, korher zu Sant Stephan und diezeit capplan Sant Kathrein und Sant Niclas altar zu Sand Michel daselbs, nachmaln darauf hat. Dem erbern Micheln, Niclasen von Tuln des peutler seligen sun, und sein erben, umb fünfthalb phunt pfening, die herchomen sind von ainem weingarten gelegen hinder des Angevelder hof auf dem reichen anfangk des ain halbe hofstat ist, die weilent der genant Niclas von Tuln und die obgenant Kathrin sein hausfrau mit gesambter hant gechaufft habent und die darnach dieselb Kathreiy verchaufft hat, umb viiii tl. d. darauf ir halb tail gehort und dem genanten irm sun auch zu sein tail die egenant funfthalb pfunt gepurt habent. Die sol er nu auf der egenanten uberteurung hauss ledikichn habent ob er vogtber wirt. Ging er aber ungevogt ab oder ob er gevogt wurde und die egenant iiii ½ tl. d. unverschafft und unverkumert hinder im liess, so sullen denn dieselben pfening erben und gevallen auf sein nagst erben vater halben darauf si dann zu recht erben und gevallen sullen. Actum feria sexta ante Petronelle, anno etc. xxxviiio.

Summa viii d.

Nota das egenant gelt ist zu dem puch gelegt, feria secunda post Lucie 1439