Symon Eslorn, der wachsgiesser, burger zu Wienn, ist suldig der hernach geschriben frumen leuten und irn erben: item Symon Potel, burger zu Wien, seinem swager, sibenhundert und zwaintzig gulden; item Ulreichen, dem kerner, cccclxxxviii gulden; item Hannsen Vogt zu Kempten und seiner gesellschaft cclxxxxii gulden; darnach den Burgern zu Münichen: item Ludbeigen Rigler cclxxxii gulden; item Petern Poschner ccclxxxxviiii gulden; item Ludweign Potschner lxxvi gulden; item Hannsen dem Kray xlv gulden; item Erasm Ligsaltz cclxxiiii gulden; item Hannsen dem Klieber cclxii gulden; item Jörgen dem Rudolf lxxxii gulden; item Anthonien dem Spalter, burger ze Nürnberg, ccxii gulden und Petern dem Harstorffer, burger dasselbs, lxiiii gulden Ungrisch. Daz alles mit sum pringet iiim clxxxxvi gulden in gold, darumb hat der egenant Symon Eslorn mit willen und wissen Margretnen seiner hausfrawn ir haus gelegen undern Wentkremen zenagst der guten Conradeinn haus den vorgenannten seinen gebern fur die obgenant sum guldein zu phant gesatzt zu beczaln von dem nagsten gangen Weichnacht abent ynner den nachstkunftigen vir jarn yeds jars zu sand Kathrein tag viic lxxxxviiii gulden anvercziehen nach laut ains geltbriefs der nicht mit gruntsigl gegeben ist. Actum an Freytag vor sant Jorgen tag, anno etc. xlo.

Summa ii tl. d.

Pair habet cedulam.