Stephan Radendorffer, der obsser, und Kathrey, sein hausfrau, habent versaczt ir haws, gelegen an unser fraun stieg zenagst Hannsen vom Graben des kramer haus, davon man jerlich dint zu dem ewigen jartag, den her Kunrat weilent pharrer zu Prellnkirchen in unser fraun capellen auf der steten zu Wienn geschafft hat und zu, zehen schilling phening und zu dem ewigen jartag, den der benant her Kunrat zu der benannten pharrkirchen gen Prellnkirchen geschafft hat, auch zehen schilling phening alles zu purkrecht und nicht mer. Dem erbern Jorgen Hainburger, dem haubner, und sein erben, umb achtzehn phund phenig und sind zu becezaln auf die nagstkunfftigen Weichnachten anvercziehen. Actum an Freitag nach Petronelle, anno etc. xlviio.

Summa xxxvi d.

Den sacz hat der Hamburger ledig gesagt, an Mitichen vor oculi, xlviii.