Symon Pötl, dietzeit des rats der stat zu Wienn, hat emphangen nutz und gewer zwayr hewser, nebeneinander gelegen im gesslein als man von dem Silberpühl an den Kienmarkt get zenagst Petern Trewtwein des Ungelter haws an aim tail, die er und sein hausfraw Magdalen selige von junkfrawn Dorothen, Hainreichs des Leinbater und Kathrein seiner hausfrawn seligen tochter, gerhaben gekaufft haben. Also welchs das ander überlebtte des solten dieselben zway hewser ledickich sein nach lautt ains besiglten kaufbriefs den derselb Pötl noch unverserten innhat und darnach mit derselben seiner hausfrawn Magdalen seligen abgang lediclichen an in komen sind allen seinen frumen damit zu schaffen wie in des verlusst. Actum an Freitag sand Andres abent, anno domini etc. xlviiivo.

Summa ½ tl. xxiiii

Habet cedulam.

Erratum est.