Symon Potel, dietzeit des rats der stat zu Wienn, hat emphangen nucz und gewer ains keller, gelegen underm Kursenhaws, und ains gwelbleins dabey, genant das Pinkenlügel und aller der Rechten die in dem Perckhof dartzu gehornt als von alter herkomen ist, den er und sein hausfrau Magdalen der got gnad von hern Stephans Wirsing seligen geschefftleuten gekaufft habent. Also welchs daz ander uberlebt des solt derselb keller ledicklichen sein nach laut ains besiglten kaufbrifs den der benant Potl noch unversertn innhat und darnach mit derselben seiner haufrawn Magdalen seligen abgang lediclich an in komen ist allen seinen frumen damit zu schaffen. Actum an Freitag sand Andres abent, anno etc. xlviiivo.

Summa lxxii d.

Erratum est.

Habet cedulam.