Eintrag vom 1449-08-20Informationen zum Dokument

Symon Kern und Barbara sein hausfraw habent verkauft newnthalb phunt phening geltes purktechts auf irm haws gelegen pey dem Ratenturen auf dem flekch zenagst weilent Saloman des Leinbater haus davon man jérlich dint dem kaplan der ewigen mess die her Tristan Rewtter dasz der himelporten zu Wienn zestifften geschafft hat, dreitzehenthalb phunt phening zu purkrecht und nicht mer. Umb lxviii tl. d., dem erbern priester hern Kolman Frech, dieczeit pfarrer zu Sand Paul zu Erdburg, und seinen nachkomen, und sullen davon alle wochen in derselben kirchen sprechen lassen zwo mess zurechter zeit und alle jar jèrlich aine jartag begeen des nagsten Suntags nach sand Johanns tag ze sunwenden mit vir priester des nachts mit ainem gesungen vigili und des morgens mit einem selambt mit sechs aufgestekchten kerczen die pey der par prynnen sullen zu der vigili und dem selambt und mit gesprochen messen und sullen auch davon geben yedem priester virundzwaintzig phening und dem mesner acht phening auch sullen sy in der kirchen haben und beleuchten ain ewigs liecht das tag und nacht prun got zulob und frawn Margrethen, Niclasen des Kesler witib, und aller irer vorvodern und nachkomen seligen zuhail und trost. Wer aber das der pfarrer zu Sand Paul daran sawmig funden

wurde, so sullen der egenant Margreten und Niclasen irs wirts nagst erben vallen gewalt und recht haben sich underwinden der gult das obgenant selgret alswo davon ausrichten und legen wo sy dunkcht das es notdurft und wol gestatt sey. Es ist auch das vorgenant purkrecht zu dienn zu drein tegen und wider abtzukauffen miteinander und den nigsten dinst damit ut littera sonat. Actum an Mitichen vor sand Batholomes tag, anno etc. xlviiiio.

Summa ½ tl. xvi d.

Nota die egenant lxviii tl. d. sind nidergelegt zu dem puch, an Mitichen vor sant Jorgen tag, anno etc. lximo.