Steffans Püsenperger, zingiesser, hat versatzt sein haws, gelegen gegen Sand Steffans freithoftor uber zenagst Niclasen Leinbacher apoteker haws. Dem ersamen Sappitl, korherren dacz Sand Steffan zu Wienn zu aim untodlichen scherm, und dem erbern Mertten Zingiesser, Micheln des kramer von Pusenperg seligen sun, gesessen zu Ofen, anstat und zuhanden Jorgen, seins prùders, der ynnerhaws nicht ist, und seinen erben, umb newnczehenthalb phund phening die bey der benant korherren gruntpùch gelegen gewesen und herkomen sind von ainen halben jeuch weingarten am Obnerperg zenagst dem kreshan gelegen den der egenant Mertt fursichselbs und anstat des benanten seins pruders Linharten Scharamer hafner zu Kornewnburg verkaufft und die benante sum phening pey der benanten korherren gruntpuch dem egenanten Steffan Pusenperger inczenomen gewlaubt hat gehabt, und sind zubeczalen wenn der egenant Jorg oder ob er nicht enver sein sein erben die ervordernt und nicht lenger peiten wellent darnach ynner den nagsten vir wochen an alles vercziehen, ut littera. Actum an Mitichen nach sand Pertlmes tag, anno etc. lmo.

Summa xxiiii d.

Nota die obgenanten xviii ½ tl. d. sind durch Lucia, Micheln freiswald hausfraw, zu hannd den sy rechtlicht zugepuren erlegt zu dem gruntpuch und sullen mit ausgeben werden es werden dann der obbestinbt brief zu dem gruntpuch gepracht und vernicht. Actum an sand Barthomes abent anno 93.