Sigmund Téglich und Kathrei, sein hausfrau, habent versaczt ir haws, gelegen gegen dem Tumbrobsthof uber zenagst Hainreichs des Enczesfelder haws, davon man jèrlich dint hern Jorgen Schrot, caplan der messe die Eberhart Kasstner pei Peilertor in Sand Peters cappelln gestifft hat zehen phund phening zu purkrecht die abczulosen sind mit hundert phunt phening nach lautt ains purkrechtbriefs und nicht mer. Dem vorgenanten Hainreichen Enczesfelder und seinen erben, umb anderthalbhundert phunt phening, die dieczeit gib und geb sein und sind zubetzalen auf sant Merten tag schirstkunfftig anvercziehen. Actum an Montag nach unsers Fraun tag der Schidung, anno etc. limo.

Summa x s. d.