Eintrag vom 1452-01-21Informationen zum Dokument

Steffan Kúfuesser, fleischakcher, hat gemacht und aufgeczaigt seiner ersten hausfrawn Dorothen, Fridreichs Lerchenöder und Annen seiner hausfrawn tochter, seligen nagsten erben, lxxxv tl. d., die von der benanten seiner hausfrauseligen wegen seiner hainstewr sind auf seiner fleischpank, die weilent Michln Stadl gewesen ist gelegen bey dem Liechtensteg an Zirnosen des Wuntartzt haws zenagst Kristoffen Otzestorffer pankch. Also mitaufgenomen werden, daz er die egenanten lxxxv tl. d. haimsteur auf der benanten pankch sein lebteg unnerkunnt innhaben nüczen und niessen sol und nach seim abgang, sullen dieselben lxxxv tl. d. hinwider erben und gevallen auf der egenanten Dorothen seiner hausfrawn nagsten erben daruf si zurecht erben und gevallen sullen, die danen die egenante fleischpank darfur innhaben nuczen und niessen sullen solang uncz daz die sein erben umb die obgenanten lxxxv tl. d. von in losent, ut littera sonat. Actum an Freitag vor Pauli Conversionis anno etc. liido.

Summa v s. xx d.

Nota Wolfgang Gotschallzinger hat die fleischpanke als der nagst erb mit recht erlangt und stet der nucz und gewer libro novo e.

Nota den egemelten gmechtbrief und auf auch¹ die andern brief hat der Steffan hinder den rat gelegt. Actum ut supra zu handen seiner ersten hausfraun nagsten erben von der haimstewr wegen die auf ccc tl bringt und durch den egenanten Gotschallzinger hinaus genomen.