Simon Hebenstreit, der sailer, und Preyd, sein hausfraw, habent verkaufft zway phunt phening gelts purkrechts auf irm haws, gelegen am Newnmarkht zwischen Hannsen Leyttner des sailer und Micheln Wenynger des schuster hewsern, davon man ierlich dint den geistlichen herren zu Agmund drey schilling phening und den sundersiehen pey dem Klagpawm ain halb phunt phening zu purkrecht und nicht mer. Umb xvi tl. Wiener d., dem erbern hern Hannsen Stadlhofer, pfarrer zu Sulcz, diezeit kaplan sand Achacii cappellen im Brobsthof auf Sand Steffans freithof gelegen, und seinen nachkomen capplein derselben cappellen und sind zu dienn zu drein tegen und wider abzukauffen miteinader und den nagsten dinst damit, ut littera sonat. Actum an Montag vor sand Johanns tag zu Sunbenden, anno etc. lviio.

Summa xxxii d.

Nota das obgenant purkrecht ist zu dem puch erlegt, an Freitag post ... … anno etc. lxviimo, und der purkrechtsbrief ist vernicht.