Eintrag vom 1461-10-24Informationen zum Dokument

Sigmund Bugler und Magdalen, sein hausfraw, habent versaczt ir haws, gelegen hundern heiligen krewczer hof zenagst weilent Ulreichs Phanczeigls haws, die weilent Hannsen Werglperger und Barbaren seiner hausfrawn gewesen ist. Der benanten frawn Barbaren der Wergkpergerin nagsten erben wer die rechtlich sein werden, umb ainsundnewnczig phunt drey schilling und sibenundzwainczig phening, die in von des egenanten halben haws wegen zugepurn und sind zubetzalen von dem nagstvergangen sand Yeronymy tag uber ain gancz jar. Actum an¹ Sambstag vor Symonis et Jude, anno etc. lxio.

Summa vi s. ii d.

Nota die obgenanten ainsundnewnczig phunt drei schilling und syben und zwainczigk phening hat Fraw Preyd, Lienharts Frischmúts des tischer mitburger hie ze Wienn hausfrau, ererbt als die nagst erb nach innhalt irer beweisten freuntschaft und die mit recht erlanngt nach lautt der gerichtsbrief von burgermaister und rat hie ze Wienn darub aufgangen und sind nun nach lautt unnd innhallt desselben gerichts mit bruder Thoman Werglperger irer gancz vericht und geaint und habend darauf den obgenanten geschaft auszetún. Actum an allen selen tag, anno etc. lxiiiio.