Eintrag vom 1464-09-05Informationen zum Dokument

Steffan Härtl, dieczeit des rats und burger ze Wienn, hat versaczt sein hawss, gelegen in der Vordern Pekchenstrass und mit dem hindern tail in der Hindern Pekchenstrass zenagst Hannsen Purkhauser seligen hawss an ainer seitten. Der erbern frawen Kathrein, seiner hausfrawn, Albrechts Smydl weilent ze Hederstorff gesessen seligen tochter. Umb drew hundert phunt Wienner phening, so im dieselb sein hausfrau Kathrey zü rechter haimstewr zügepracht hat, und umb fünfthalb hundert phunt Wienner phening, so er derselben seiner hausfraun zü rechter morgengab wider zelegen versprochen dies hat. Dieselben baid sumen hainstewr und morgengab pringent in ainer sum achthalb hundert phunnt Wienner phennig und die sol sein hausfraw haben auf dem benanten hawss in der maynung ist das der obgenant Steffan Hèrtl mit dem tod abgeet und stirbt ee wenn die egmelt Kathrey sein hausfraw und das er ir nicht kinder lässt die sy miteinander hieten oder ob er ir kinder lèsst die sy miteinander gehabt hieten und das die ungevogt mit tod abgingen so sind dann die obgemelten drew hundert phunt phening haimstewr der benanten Kathrein seiner hausfrauen auf dem obgemelten hauss gennczlich wider ledig worden, aber die obgemelten fünfthalb hundert phunt Wienner phening morgengab sullen nach der benanten seiner hausfrau abgang auf sein nagst erben oder wem er die schaft macht oder gert gevallen an alle irrung. Wär aber das die obgenant Kathrey mit dem tod abgieng und stürb ee wenn der obgenant Steffan und das sy im auch nicht kinder liess die sy miteinander hieten oder ob sy im kinder liess die sy miteinander gehabt hieten und das die auch mit tod abgiengen ungevogt, so sind im dan die obgenanten funfthalb hundert phunt phening morgengab auf dem egenanten seinem hauss auch genczlich wider ledig worden, aber die egenanten drew hundert phunt Wienner phening haimstewr sullen erst nach seinem abgang und tod auf der benanten Kathrein seiner hausfraun nachst erben oder wem sy die schaffett machett oder gibt gevallen und erben an wider red. Auch hat der gemelt Steffan Hèrtl vollen gewalt die obgenanten achthalb hundert phunt phening ab dem egenanten seiner hausfrau zulosen mit willen und wissen Kathrein seiner egenanten hausfrau und die nach rat willen und wissen unser ir¹ baider frewnd an anndrew erb anlegen ungeverlich, ut littera sonat. Actum an Mitichen vor unser lieben Frawen tag Nativitatis, anno etc. lxiiiio.

Summa vi tl. lx d.

Nota das geméchd hat die fraw iren khindern frey übergeben und den Chméchtbrief zu dem buch erlegt und denselben vernichten lassen.