Eintrag vom 1469-07-05Informationen zum Dokument

Sigmund Pirpawm hat versaczt sein halbs hawss, gannczes gelegen pey dem Rotenturm zenagst Jorgen Glas hawss und ist der ander tail desselben hawss, mitsambt dem zuhawss, gegen der Kalbpekhin hawss uber. Dem erbern Wolfgangen Orter, mitburger zu Wien, und sein erben, umb hundert phunt Wienner phening guter lanndeswerung in Österreich in solher maynung das nach seinem abgangkh dieselb sum phening erben und gevallen sullen auf seine kinder, die er bey seiner hausfrau Affren elichen gehabt hat. Gingen aber dieselben ir kinder nach im auch ungevogt ab oder ob sy vogtper wirden und die bemelten hundert phunt phening unverschafft unvermacht und unverkumert hnder in liessen, so sullen sy dan erben und gevallen auf derselben kanlewt baider nagst erben darauf sy zu recht erben und gevallen sullen. Wer aber daz die benenten kinder vor dem genanten irm vater mit tod abgiengen, so soll er dan die benanten hundert phunt phening gleich halb ledichlich nyssen als leibgedings und der stat zu Wienn recht ist und nach seinem angang sol derselb halb tail gelts erben und gevallen auf der egenanten Affren seiner hausfrau nagst erben daruf sy zu recht erben und gevallen sullen und sind zubezalen auf sand Johanns tag ze sunbenden nagstkunfftigen, ut littera sonat. Actum an Mitichen nach sand Ulreichs tag, anno etc. lxviiiimo.

Summa vi s. xx d.