Thoman Wild, purger zu Wienn, hat versatzt seine zway gewantgewelib nebeneinander, under den kurtzen Tuchlaubn zenagst Hannsen des Marcharts gewantgewelib gelegen, und die öd hawsung auf den benanten zwain geweliben und stosst an die Newschrann. Dem erbern herren hern Petern Wurm, dieczeit caplan der ewigen mess die caspar Slinger in dem frawncloster datz Sant Maria Magdalen vor Schottentor zu stifften geschafft hat, und sein nachkomen, umb zwayhundert und virtzig pfunt pfening. In solicher maynung alle dieweil der vorgennant Wild und sein erben die benant sum pfenig innhabent, so sullent sy dem vorgenannt kaplan und sein nachkomen alle jar davon reihen und dienn xvi tl. d. zu den drein tegen im jar zu sant Michls tag, zu der Liechtmess und zu Sunbenden zu yedem tag funf pfund und achczig pfening an abslag des haubtguts und sullen mit dem ersten dinst anheben zu sant Michls tag nagstkunftigen anverziehen. Auch ist ze merkchen ob geschech das der egenant kaplan oder sein nachkomen ain gut vail funden zu kauffen
das der mess nutz und füglich wer wan sy drum die obgenant haubt sum ainsten an den vorgenanten Wilden oder sein erben ervordernt und nicht lenger peiten wolten, so sullen sy in die dann nach solicher vordrung ynner den nagsten zwain moneiden ausrichtten und zu dem gruntpuch wider niderlegen anverziehen das sy die dann mit wissen des egenanten Slinger seligen geschefftleut an solich guter die sy darumb kauffen gelegen mugen, ut littera sonat. Actum an Montag vor sand Larenczen tag, anno etc. xlvito.
Summa ii tl. d.