Eintrag vom 1450-12-07Informationen zum Dokument

Her Tolbert, graf zu Pret, hat versaczt sein haus, das von fraun Oria geporn von der Laitter seiner gemahl mit geschefft an in komen ist, gelegen in der Pippingerstrass zenagst Micheln des Derren haus. Den erbern geistlichen herren · dem prior und seim convent dacz den Augustinern zu Wienn, umb hundert Ungrisch oder ducaten in gold. Also ob geschech das her Francsen vom Rossleins graf zu Sand Urs die vorgenanten geistlichen herren die hundert gulden die er sich gen in verwilligt hat nicht ausrichtet und beczalte auf den nagstkunfftigen vaschangtag, so sullen und mugen sy dann dasselb haus aim erbern mann umb die vorgenanten hundert gild verphenten und emseczen innzuhaben zenuczen und zeniessen solang uncz das der vorgenant graf Tolbert und sein erben dasselb haus mit seiner zugehornung umb die vorgenanten hundert gulden von in losend des sy in dann stattun sullen wenn sy des begeren an alles widered, ut littera. Actum an Montag vor sand Lucein tag, anno domini etc. lo.

Summa vi s. d.

Nota, an Montag vor sand Michels tag, anno etc. lvii, habent die geistlichen herren den sacz ledig gesagt.

Nota die geistlichen herren der prior und sein convent des klosters zu den Augustinern zu Wienn habent den egenanten irn saczbrief und all ir gerechtigkait so si daran haben ubergeben dem erseamen bruder Wilhalm Sechsner, maister zu Mawrperg, und seinen nachkomen, umb hundert gulden nach laut ains briefs den dieselben geistlichen herren mit irn insigeln daruber gegeben habent. Actum an Eritag nach sand Pangretzen tag, anno domini etc. liiiito.

Selber ubergeben hat der maister zu Maurperg wider ledig gesagt per Wolfgang Ruland und Steffan Smid, ante Mitichen ante Exaltacionis Sanctae crucis anno etc. liiiito.