Thoman Gennpekch und Helena, sein hausfrau, die emalen Jacoben Wolf den vischer auch elichen gehabt hat, habent versaczt ir haws, gelegen undern vischern in der Vischergassen zenagst des Hofkircher haus. Oswalten, des egenanten Jacoben Wolfs seligen sun, und seinen erben, umb virtzehen pfund pfening, die im zugebürnten von aim weingarten zu Radawn an der hindern sess gelegen des drew reichl ist darub ich egenante Helena und der egenant Wolf mein man in gesambter handweise nucz und gewer gestanden sein und das ich benante Helen des vorgenanten Oswalts muter verkaufft hab, und sind zu beczalen wan derselb Oswalt vogtper wirdet oder ob er ungevogt abging seinen nagsten erben an alles vercziehen. Actum an Freitag vor sant Thomans tag apostoli, anno domini etc. lvito.

Summa xxviii d.

Habet cedulam.