Thoman Praitenweydacher, burger ze Wienn, hat versaczt die ubertewrung seins hawss, gelegen bey dem Rotenturn auf dem steig zenagst Adam des Hertting seligen hawss. Dem erbern weisen Gabrielen Cheser, burger ze Salczburg, und seinen erben. Umb drew hundert und vierczigk Ungrisch gulden gerecht in gold und wag und sind zubeczalen auf sand Bartholomees tag nachstkünftig an alles vercziehen. Und ob der benant Gabriel und seine erben an der übdertewrung des benant hawss umb die vergeschriben sum gulden mugen sy haben und bekomen zu anndern hab und gut des benanten Thoman Praitenwaydacher ungeverlich actum an nach lautt ains geltbriefs der von Hannsen Pikel und dem egenanten Thoman Praitenwaydacher darumb ausgangen ist und der sacz und geltbrief ist ain geltschuld. Actum an Freitag nach Georgen, anno etc. lxiiio.

Summa iii tl. xx d.

Gabriel Késer habet cedulam.

Nota den sacz hat Achatz Weilhaimer vom Tittmaning ledig gesagt auf ainen gewalt den her Praitenweidacher innhat und im statpuch geschriben stet. Actum an Freitag post Franczesten, anno etc. xxxi.