Thoman Tenkh, burger zu Wien, und Barbara, sein hausfraw, habend versaczt ir hawss, gelegen am graben zenagst Chunczen Rewter des appotegker hawss an ainem tail. Dem edlen Hannsen Röttinger, diezeit phleger zu Paden, und seinen erben, umb drewhundert und sechtzigkh guter newer Ungrischer guldein gerecht in gold und wag und sind zubezalen auf den Suntag Invocavit in der vassten. Actum an Phincztag nach dem heiligen Phingstag, anno domini etc. lxviimo.

Summa nulla ex iussu magistri civium

Röttinger habet cedulam.

Nota Hanns Reyttinger und Jorg Kranperger habend bey irem trewen an aidt stat gesagt als sy zu recht solten daz sy von der obgenanten Barbara Tenkhin ausgenomen haben daz das ir guter will gewesen ist daz obgenant hawss umb die benante summe gulden zu verseczen. Actum die et anno ut supra.