Eintrag vom 1471-05-22Informationen zum Dokument

Thoman Guldein und Barbara, sein hausfraw, habent versaczt die ubertewrung irs hawss, gelegen vor Kernertor in der Kumphlukhen, misambt den xii s. und vii d. so man jerlich darin dient, uber die xxii ½ tl. d. haubtguts purkrechts, so dem capplan der mess die die Sindaminn auf allerheiligen altar zu sand Stephan gestifft hat emalen darauf verschiben sein, Wernhardin, ir bruder sun, und sein, erbern umb fünfftzig phunt Wienner phening, die von Wolfgangen seinem pruder der ungevogt mit tod abgegangen erblich an in komen sein nach lautt seiner bewisen frewntschafft die im statpuch zu Wienn geschriben stet, und sind zu bezalen wann derselb Wernhardin vogtper wirdet oder ab er ungevogt abgenig seinen nagsten erben den es rechtlich zugepürtt an alles verziehen. Doch also ob in rechten tegen yemands herfur köm der so gute oder pessere gerechtigkait darby hiet oder gehaben macht dem oder den an iren rechten unvergriffen und an schaden. Actum an Mitichen vor ascensionis domini, anno eiusdem mo cccco lxximo.

Summa lxxii d.