Ulreich Metzleinstorffer, burger zu Wien, hat versaczt sein haus, gelegen in der Vodern Pekchenstrazz zenagst Reinharts des Hansgrafn haus an aim tail und an dem andern zenagst Thomans Swartzen haws. Dem erbern weisen Hansen Haringseer, diezeit des rats und spitalmaister der Burgerspital zu Wienn, und seinen nachkomen spitalmaistern, hundert phunt Wiener pfening und sind zu beczaln wenn sie die vodernt und nicht lenger peyten wellent darnach ynner den nagsten drein moneiden und der egenant Metzleinstorffer oder sein erben alle die weil si daz gelt innhabent sullen si dem spital alle jar davon raihen und dienen acht phunt pfenig zu den zwain tegen im jar an sand Jorgen tag und an sant Michels tag an abslag des haubtguts, ut littera sonat. Actum an Montag nach Oculi in der Vastn, anno etc. xlmo.

Summa iii s. x d.

Den satz hat der spitalmaister ledig gesagt feria secunda ante Thome apostoli, anno xlimo.