Eintrag vom 1441-05-26Informationen zum Dokument

Ursula, Larentzen des Swantz burger zu Wienn hausfraw, hat versaczt die uberteurung irs irs hawss, gelegen am Sibenpuhel am egk als

Ursula, Larentzen des Swantz burger zu Wienn hausfraw, hat verkaufft aindlef phunt und sechtzig pfennig geltz purkrechtz auf der uberteurung irs hauss, gelegen am Sibenpuhel am egk als man an den Kienmarkcht get, zenagst Hern Hannsen des Würffls haus, uber die vir und zwaintzig pfunt pfenig geltz purkrechtz, die man dem richter und dem rat zu Hainburg ierlich davon dient und abzelosen sind umb virhundert guldn nach laut ains purkrechtbriefs so si daruber habent, und uber die zwaihundert pfunt pfening die Ulreichen dem Perman darauf verphent sind. Umb lxxxx tl. d., dem erbern priester hern Wernharten von Arnstorf, capplan der mess die Steffan Poll auf Sand Kathrein altar zu Sant Stepfan gestift hat, und seinen nachkomen kappleinen derselben mess und sind zu dienen zu drein tegen und wider abzekauffen miteinander und den nagsten dinst damit, ut littera sonat. Actum an Freitag nach unsers herrn auffert tag, anno etc. xlio.

Summa vi s. d.