Eintrag vom 1445-08-09Informationen zum Dokument

Ulreich Veldner und Anastasia, sein hausfrau, habent pei dem gruntpuch williclich ubergeben Niclasen Muglitzer vom Perg und sein erben die xx tl. d. dinsts, so in Reinhart Tettlinger hansgraf in Osterreich und Margret sein hausfrau von den cc tl. d., die der benanten Anstasia haimsteur und auf desselben hansgrafen und seiner hausfraun haus in der Vordern Pekchenstrass gelegen verpfentt sein, jerlich zu diennen schuldig sind zu den vir quatembern im jar zu yeder quatember v tl. d.. Also das der egenant Niclas Müglitzer oder sein erben nu furbas die egenanten xx tl. d. dinsts von den obgenantn cc tl. d. dieweil die auf dem egenanten haus ligend oder an wen sy furbas gelegt werdent was nütz davon gevallen mügen alle jar jerlich zu den egenanten quatemern inneinander nüczen und niessen sullen solang untz das sy der ccc Ungrischer guldein so in der egenant Veldner und sein hausfrau nach ains goltbriefs und gerichtbriefs lauttt schuldig sein gantz beczalt werden und die erst beczalung sullen sy yetzt innemen von dem egennanten hansgrafen und seiner hausfraun zu der quatember negstkunftig an widerred und anvercziehen alles getreulich und ungeverlich. Actum an sant Larenczen abent, anno etc. xlvto.

Summa lxxii d.