Vicenz Hakenberger, der apoteker, hat versaczt die uberteurung seins hawss, gelegen am graben zenagst des Rottinger haws. über die hundert und sechtzehn pfunt phening, die Pauln des Hebleins seligen kindern vor darauf verschriben sind. Der erbern fraun Kathrein, Steffans List purger zu Presspurg hausfraun, die emaln Wolfgangen den Petzolt seligen auch eelichen gehabt hat, umb hundert phund phening, die derselben fraun Kathrein leibgeding sein und nach irn abgang gevallen sullen auf des egenanten irs erern manns seligen nagst erben. Und alle dieweil der egenant Vicenz und sein erben dieselben hundert pfund phening innhaben

---

und nicht betzalen, sol sullen sy der egenant fraun Kathrein ir lebtteg jerlich davon raihen und diennen zehen pfund phening halb zu sand Michels tag und halb zu sand Jorgen tag an abslag des hauptguts ungeverlich und wan dieselb frau Kathrey mit dem tod abget, so sullen sy dann die egenanten hundert phunt phening betzalen des egegnanten Petzolten negsten erben den das rechtlich zugehort, ut littera sonat. Actum an sand Pangreczen tag, anno domini etc. xlviio.

Summa vi s. xx d.

Nota die obgenanten hundert tl. d. so Wolfgang des Peczolten erben auf dem benanten hauss verschriben gewesen sind zu dem gruntpuch erlegt worden und darnach Mertten Schrat statkamer geben worden zu gemainer stat hannden ut quittung. Actum anAschermitichen, anno etc. lxvto.