Ulreich Metzleinstorffer hat versatzt sein haws, gelegen in der Vadern Pekchenstrass zenagst Reinharts des hannsgrafen hawss. Dem erbern herren, hern Petern Wurm, pfarrer zu Etzkestorff, dietzeit kaplan der mess die weilent Caspar Shinger zu Sand Maria Magdalen vor Schottentor zu Wienn zustifften geschafft hat, und seinen nachkomen umb zwaihundert und virtzig phunt phening. Also alle die weil der Metzleinstorffer und sein erben die benante sum phening innhaben, so sullen sy dem egenaten caplan und seinen nachkomen alle jar davon diennen sechtzehen phunt phening zu den drein tegen im jar zu sand Johannis tag zu sunwenden, zu sand Mertten tag und zu unser Frawn tag zu der Kündung in der vasten und ob geschech das am kaplan ain gut vail fund zu kauffen das der mess nütz und füglich wér wenn sy denn die egenant summa phening vadernt, so sullent dann der Metzleinstorffer und sein erben zu ausrichen noch solher vadrung ynner den nagsten drein moneiden und sullen die albeg anlegen mit des leherren der mess und des egenanten capparn Shinger geschefftleut wissen und willen ungeverlich, ut littera sonat. Actum an Mitichen vor Judica in der vasten, anno domini etc. lmo.

Summa ii tl. d.