Ulreich Mairhofer und Kathrey, sein hausfraw, habent versetzt ir halbs haws, das si von Hainreichen Marthtrenkker gekaufft habent, ganczes gelegen am Saltzgriezz zenagst Hannsen Ernsts haws und ist der erst tail der vorgenanten haws, mit allen den gemechen und gemainen stukchen so nach laut der tailbrief darczu gehornt. Dem vorgenanten Ulreichen Mairhofer irm swager Hainreichen Marchtrenkker und seinen erben, umb hundert phunt und zehen phunt phening und sind zubezaln auf sand Jorgen tag schirstkunftig funftzig phunt phening und auf sand Giligen tag darnach nagstkunftig sechtzig phunt phening an widerred und an alles verziehen ungeverlich. Actum an Freytag vor sand Scolastica tag, anno etc. liiio.

Summa vii s. x d.