Ulreich Meichsner, Stephans Meichsner seligen sun, hat versaczt seinen virtails ains halben hawss, ganczes gelegen in der Woltzeil genant der Janyn haws zenagst Wernharts des Schürfen haus und ist der vird virtail desselben halben hawss, mit allen den gemechen und gemainen stukchen so nach laut der tailbrief dartzu gehornt. Den erbern weisen Wolfgangen Holnbrunner, diezeit des rats der stat zu Wienn, Linharten Lehenholczer und Niclasen Kramer, burger daselbs, an stat und als geschefftlewten Magdalen, Hannsen des Herczogen seligen tochter, und irn erben, und umb hundert phunt phening und sind zubetzaln wenn dieselb Magdalen vogtper wirdet oder ob sy ungevogt abging darnach irn nagsten erben ynner den nagsten zwain moneiden an alles vertziehen. Actum an Mittichen vor Remiscere in der vasten, anno domini etc. lvto.

Summa vi s. xx d.

Habet cedulam.