Eintrag vom 1459-03-14Informationen zum Dokument

Ulreich Streng, schuster, und Margreth, sein hausfraw, habent versaczt ìr haws, gelegen am hof zenagst Steffans Kotter des vilczhüter haws. Dem erbern weisen Hannsen Thiem an stat Mathesen, Larenczen Schöberlein und Magdalen seiner hawsfrawn seligen sun, der noch nicht vogtper und demselben Thiem vo dem ersamen rat der stat empholhen ist, und desselben Mathesen erben, umb fünftzigk phunt phening, die demselben Mathesen zugepirnt von dem haws das seins vater und seiner muter gewesen ist und das derselb Hanns Thiem an stat und als gerhab des egenanten Mathesen dem egenanten Ulreichen Streng und Margreten seiner hausfrawn verkaufft hat, und sind dieselben fünftzigk phunt phening zubetzalln wan der egenant Mathes vogtper wirdet oder ob er ungevogt anging darnach seinen erben an alles vercziehen. Actum an Mittichen vor dem Palm tag, anno etc. lviiiio.

Summa iii s. d.