Eintrag vom 1462-07-07Informationen zum Dokument

Ulreich Nörczel, der kursner, mitburger ze Wienn, und Elspet, sein hausfrau, habent verkaufft zway pfunt phening Wienner gelts purkrechts auf irm haws, gelegen in der Schulstrass am egk zenagst dem Münsshof an ainer seitten. Umb sechtzehen pfunt Wienner phening, dem erbern hern Mertten Karphaimer, kapplan der mess die weilent Stephan Strobein auf Sand Jeronimus altar in unser frawn kappellen auf der stetten zu Wienn gelegen gestifft hat, und seinen nachkomen kapplen derselben mess und sind zu dienn zu drein tegen im jar und widerabzukauffen miteinander und den¹ nagsten dinst damit, ut littera sonat. Actum an Mitichen nach sand Ulrichs tag, anno domini etc. lxiio.

Summa xxxii d.

Daz purkrecht ist zu dem puch erlegt und der nagsten dinst damit. Actum an Sambstag vor sand Maria Magdalen tag, anno etc. lxxvio.