Veit Mair, der schuester, mitburger zu Wienn, hat versaczt sein hawss, gelegen am Hochenmarkt zenagst Symon des Pötel hawss an ainen tail und an dem andern zenagst Mathesen Kuntschinkh des schuester hawss. Der erbern Annen, Andres Grunwalden weilent gesessen zu Vosendorff seligen witib, und irn erben, umb hundert und dreissig Ungrisch guldein gerecht in gold und wag und umb zwen Reinisch guldein auch gerecht in gold und slag und sind zubezalen dreissig Ungrisch und zwen Reinisch gultein auf die Weinachten nagstkunfftig und die übring hundert guldein Ungrischen von denselben Weinachten uber ain ganntz jar auch darnach schiristkünfftig an alles verziehen getrewlich und ungeverlich. Actum an Freytag vor sand Margrethen tag, anno domini etc lxvito.

Summa x s. xxviii d.

Anna Andres Grunwalden witib habet cedulam.