Urban Sturm, vilczhuter, hat versaczt sein halbs haws mit allen den gemechen und gemain stukhen so nach lautt der tailbrief dartzu gehorn, ganntzes gelegen im schulhof anders genant am Judenplatz. Den erbern Linharten Rorér und Hannsen Grueber zu hannden junkhfrawen Dorothen, Casparn Cirnos und Margrethen seiner hausfrawen seligen tochter, der gerhaben sy sein und iren erben, umb achtundvirtzig phunt Wienner phening, die herkomen von des obgenanten halben haws wegen und sind zubetzalen wann die vorgenant junkhfraw Dorothe vogtper wirdet oder ob sy ungevogt mit tod abgiengen iren nagsten erben muterhalben. Und alle dieweil dieselb sum phening nicht bezalt wirdet sol der obgenant Sturm jerlich davon dienn vir phunt phening damit man jungkfrawn Dorothen ziehen und aushaltet sol getrewlich und ungeverlich. Actum an Freitag sand Michels abent, anno etc. lxxmo.

Summe iii s. vi d.

Gruberin in der Schefstrass habet cedulam ist zu dem puch gepracht und vernicht.

Nota der obgenant sacz ist auf · maister Niclasem sunder Munichreitter sunder hawsfraun ausgebung und auf hern Kristofens Pempflinger an stat Wolfgang ... quittung zu dem puech erlegt abgetan. Actum an Freytag nach Occuli, anno domini 1493.