Ulreich Kernér, diezeit des rats der und kirchmaister Allerheiligen Tumbkirchen zu Sand Stephan hie, hat versatzt sein haws, des zway drittail von Jorgen von Nicolspurg und ain drittail von jungkfrawen Barbaren Niclasen Newgruener seligen tochter gehaben und von Wilhalm Gerberstorffer und sein miterben mit kauff an in komen sein nach lautt der kauffbrief darumb ausgangen. Dem edlen vessten Symon Pötl zu Hebreichstrass und sein erben oder wem er die schafft macht oder geit, umb ain sum guldein an den zwain tausent Hungrischer gulden gerecht in gold und wag, die im der egenant Kerner nach lautt ains sundern geltbriefs in dem lxviisten jaren nagstverschynen ausgangen ist schuldig worden¹ und der gegenburtig sacz und der yetzgenant geltbrief sind ain schuld und sein zubezalen wann sy die ervordernt und nicht lennger peyten wellen inner der nagsten jarsfrist darnach an alles verziehen getrewlich und ungeverlich. Actum an Freytag nach sand Ulreichs tag, anno domini etc. lxximo.

Summa iiii tl. d.