Eintrag vom 1441-07-14Informationen zum Dokument

Wolfgang Petzolt hat gemacht und verschriben auf sein haws, gelegen am Liechtensteg zu Wienn zenagst weilent Hainreichs Prawn haws, davon man jerlich dient dem brobst zu Sand Stephan zu Wienn ain halb phunt phening zu purkrecht und nicht mehr, seiner hausfrawn Kathrein, hundert phunt Wienner pfening. Also ist das er mit tod abgeet ee denn die benant Kahthrey sein hausfraw, so sol sy dann die benanten hundert phunt pfening auf dem egenanten haws innhaben nutzen und niessen unverkumert untz an irn tod und nach irm abgang sullen denn dieselbn hundert phunt erben und gevallen auf des egenanten Petzolten nagst erben darauf sid dann zu recht erben und gevallen sullen. Wer aber das dieselb Kathrey mit tod abging ee denn er, so sind im dann die benanten c tl. d. gentzlich wider ledig und hat im auch gantzen gewalt vor behalten das er sein erben oder wen er das genant haus schafft macht oder geit dasselb haws von der egenant seiner hausfraun umb die egenanten c tl. d. losen mugen wenn sy verlust also das die dann seiner hausfraun anderswo wider angelegt und verschriben sullen werden in den rechten so vorgeschriben stet. Actum an Freitag nach sand Margreten tag, anno etc. xlio.

Summa vi s. xx d.