Eintrag vom 1442-08-27Informationen zum Dokument

Wolfgang Hasler hat versaczt sein haus, gelegen am Newnmarkht zenagst Jorgen MenpekchEn haus. Der erbern frawn Margreten, Veiten Kolmans des smids von Entzestorf auf der Vischa hausfrau, die emalen Kristan smid von Dürrenholtz auch elichen gehabt hat, an stat und zu handen irer kinder Wentzlaben und Magdalen, die noch nicht gevogt sein, die si bei dem benanten Kristan Smid hat gehabt, umb lxvi tl. v s. und x d. und sind zu betzalen von den nagstkunftign sand Michels tag uber zway jar und sol in dieselben zwai jar alle jar davon raihen und dienen vi tl. v s. x d. zu den zwain tegen im jar am sant Jorgen tag und an sant Michls tag zu yedem tag iii tl. lxxx d. und soll mit dem ersten dinst anheben an sand Michls tag nagstkunftig. Doch das die egenant Margret die dinst jerlich sol innemen nuczen und niessen und die vorgenanten kinder erbelich davon gewenten ziehen und verwesen nach irn notdurften untz sy zu irn beschaiden jarn komend, dann sol si in der vorgenanten sum pfening haubtguts und dinsts abtreten und furbas an irung vessten lassen. Beschech aber datz dieselb zwai kidner ungevogte abgingen, so sol die egenant sum pfening haubtguts halbe gevallen auf die egenant Margreten lediklich und halbe auf derselben zwair kinder nagst erben nach laut des spruchbriefs der vor zeiten von des geltz wegen ausgangen ist, ut litter sonat. Actum an Montag vor Augustini, anno etc. xliido.

Summa ½ tl. xii d.